February 4, 2009
કારણ, કોણ પૂછે છે ?
પવન ફરવાનું કારણ, કોણ પૂછે છે
કશુંક ખરવાનું કારણ, કોણ પૂછે છે !
નથી હોતું કશું અપવાદ જેવું કંઈ
સમય સરવાનું કારણ કોણ પૂછે છે
ગણીને માત્ર ગાંઠે બાંધશે,કિસ્સા
જતું કરવાનું કારણ, કોણ પૂછે છે !
મળે તો એમ, જાણે સાતભવનું સખ
નજર ફરવાનું કારણ, કોણ પૂછે છે !
ગયા એ પણ, અને જાનાર છે એ પણ
કદી, મરવાનું કારણ કોણ પૂછે છે !
બધાને ખ્યાલ છે,પથરા નથી તરતા
છતાં, તરવાનું કારણ કોણ પૂછે છે !
ડો.મહેશ રાવલ
Subscribe to:
Post Comments (Atom)
No comments:
Post a Comment